随笔散文网

扫黄业奋勇争先 打人蛇踌躇不前

最后编辑于 2020-01-24
387 12 386

咁简单嘅道理,三岁细路仔都识,偏偏香港警察唔识,你话係咪奇哉怪也?係咁嘅,元朗近年成为人蛇抢滩同居住嘅热点,佢哋胆正命平,无恶不作,搞到元朗乌烟瘴气,鸡犬不宁。好似早两日吖,南亚兵团四小时内两劫途人财物,女街坊被抢去数万元名牌手袋,男途人惨被玻璃樽扑头,差啲命都冇。咁仲唔止,佢哋连单车都唔放过,当街当巷照抢可也,事败后仲发恶踢伤阿SIR添,问你怕未。

即係咁,家阵嘅元朗就好似恶贯满盈嘅「葛咸城」,假难民无法无天,居民生活喺水深火热之中,警方再唔出手打击,迟早搞出人命都似。

等完又等,盼完又盼,警方近日终于採取大规模扫蕩行动,不过咪拍手住,打击对象唔係假难民,而係卖淫集团咋。大家冇听错,元朗警区两个月前开始部署扫黄,日前收网捣破一个由夫妻档操控嘅一条龙式卖淫集团,拘捕逾三百人,都咪话唔大阵仗。

冇错,卖淫触犯法例,扫黄冇人话唔啱,之但係,众所周知元朗最大治安毒瘤唔係黄业,而係假难民。流莺滋扰社区係讨厌,但点都好,冇可能危险得过兇神恶煞嘅假难民啩?正如有人话斋,假难民先至係心腹大患,而黄业不过係癣疥之疾啫,假难民问题一日不除,元朗居民都冇好日子过。警方不分轻重,好做唔做,元朗居民想唔组织自衞队保命都唔得喇。

讲到呢度,肯定好多人会感到迷惑不解,当局对黄业零容忍,点解对假难民问题却容忍有加、慈悲为怀呢?唔通有人同假难民有亲?定係同引入假难民嘅幕后集团打龙通?唔係无的放矢o架,东方报业集团一早踢爆本地黑帮和胜和前坐馆「上海仔」郭永鸿係「南亚人蛇之父」,巴裔「兵头」旗下嘅「老虎仔」仲喺早前嘅内地公安打击人蛇行动中落网添。香港警方唔管麻鹰管鸡仔,如果话当中唔涉及有人包庇,讲都冇人信咯。

一句到尾,对假难民仁慈,即係对市民残忍。莫讲话一般市民已经忍无可忍,连土生土长嘅南亚裔人士亦不胜其扰,纷纷支持香港重设难民营甚至退出联合国《禁止酷刑公约》,当局仲等乜嘢吖?讲真,如果当局一早将扫黄嘅决心同精力处理人蛇问题,香港今日点会沦为「难民港」吖?



上一篇: 下一篇:
你可能还喜欢以下内容
  • 清明祭拜表达追思 台东环保局呼吁减烧纸钱
    清明祭拜表达追思 台东环保局呼吁减烧纸钱
  • 台湾领先全球?明年起「禁用塑胶吸管」成全球首例,但网友:跟日
    台湾领先全球?明年起「禁用塑胶吸管」成全球首例,但网友:跟日
  • 我以为这只是一般普通的「肥皂」,但一把它放到水里后8230;
    我以为这只是一般普通的「肥皂」,但一把它放到水里后8230;
  • 料理功夫│黑豆黑木耳炖猪脚
    料理功夫│黑豆黑木耳炖猪脚
  • 老闆~您了解网拍消费族群的特性吗-
    老闆~您了解网拍消费族群的特性吗-
  • 行销风向球往哪吹? 智慧型手机为你开启消费大门
    行销风向球往哪吹? 智慧型手机为你开启消费大门
  • 迈向行动一大步 Google收购Whatsapp
    迈向行动一大步 Google收购Whatsapp
  • 迎53届超级盃 亚城1月21日起封闭道路
    迎53届超级盃 亚城1月21日起封闭道路
随笔散文网|生活随笔|美文故事|网站地图